- ابن ابنك ابن الحبيب وابن بنتك ابن الغريب
- ابن بطنى يفهم رطنى
- ابنك على ما تربيه وجوزك على ما تعوديه
- ابويا وطانى وجوزى علانى
- اخد الغندور ولو سكنى وسط القبور
- اخطب لبنتك قبل ما تخطب لابنك
- اسال عن ألام قبل ما تلم
- اسمها قمر وابوها شهاب وشكلها زى الهباب
- اصبرى يا ستيت لما يخلى لك البيت
- اقرصينى فى ركبتى تحصلينى فى جمعتى
- اقعدى في عشك لما ييجى اللى ينشك
- اقل الرجال يغنى النسا
- اكسر للبنت ضلع يطلع لها 24
- اكفى القدرة على فمها تطلع البنت لامها
- ألام تعشش والاب يطفش
- امن للحية ولا تامن للمرة
- اموت فى محبوبى لو كان عبد نوبى
- ان عشقت اعشق قمر وان سرقت اسرق جمل
- أن كان الراجل بحر تكون المرة جسر
- أن كان بدك تصون العرض وتلمه جوز البنت للى عينها منه
- أن كانت الغلة تيجى قبل التبن كانت الحما تحب مرات الابن
- ان كانت المية تدوب تبقى الفاجرة تتوب
- أن كنت عايز تمص قصب مص من الوسط ، وان كنت عايز تخطب اخطب رفيعة الوسط
- ايه تعمل الماشطة فى الوش العكر
- ايه يحرر النسا قال بعد الرجال عنهم
- بدال خطوطك والحمرة امسحى عماصك يا سمرة
- البس تعجب مراتك ولبس مراتك تعجب الناس
- بعد ماكان سيدها بقى يطبل فى عرسها
- بفلوسك بنت السلطان عروسك
- بقى للشخرم مخرم وبقى للقرد زناق وبقى له مرة يحلف عليها بالطلاق
- بكرة ترجع ريما لعادتها القديمة
- بلاش توكلنى فرخة سمينة وتبيتنى الليل حزينة
- بيع الجمال واشترى الخفة ، الجمال كتير بس الخفيف صدفة
- تبقى عورة وبنت عبد ودخلتها ليلة الحد
- تحت البراقع سم ناقع
- تغور العورة بفدانها
- جت الحزينة تفرح ما لاقتلهاش مطرح
- جت العازبة تشكى لقت المتجوزة بتبكى
- جوزتها تتاخر راحت وجابته راخر
- جوزها بديك وناديها تجيك
- جيت بيت ابويا ارتاح قفلوا في وشى وتوهوا المفتاح
- حطت عجلها وقوت رجلها
- الحما حمة واخت الجوز عقربة صمة
- حماتى مناقرة قال طلق بنتها
- خد الاصيلة واقعد ع الحصيرة
- خد الجميل واقعد قباله وان جعت شاهد جماله
- خدى شايب يدلعك ولا تاخدى صبى يلوعك
- خدى لك راجل بالليل غفير وبالنهار اجير
- خطبوها اتعززت وفاتوها اتندمت
- خنفسة شافت بنتها ع الحيط قالت لولى وملضم فى خيط
- الراجل ابن الراجل اللى عمره مايشاور مرة
- الراجل راجل ولو ليه زنب والست ست ولو ليها شنب
- الراجل زى السيغة تنكسر وتنقام
- ربى يا خايبة للغايبة
- الرجالة غابت والستات سابت
- ساعة ما تنكتب في السما ييجى للخطاب العمى
- الست مامنهاش جه البرد ماخلاش
- ست من غير راجل زى الطربوش من غير زر
- السمرة بلحة حمرا
- الشاطرة تغزل برجل حمار
- الشاطرة تقضى حاجنها ، والخايبة تنده لجارتها
- شرف البنت زى عود الكبريت ما يولعش غير مرة واحدة
- ضل راجل ولا ضل حيطة
- طاقيتك مالها مقورة قال من تدبيقك يا مرة
- العاقلة والمجنونة عند الراجل بالمونة
- العرس بزوبعة والعروسة ضفدعة
- العروسة بعقلها وقلة اكلها
- عمر الدوارة ماتربى كتاكيت
- عمر النسا ماتربى عجل ويحرت
- عيش يا حبيبى ولا تبكينى حسك في الدنيا يكفينى
- الغجرية ست جيرانها
- غطى خدك وامشى على قدك
- فاتت عجينها فى الماجور وراحت تضرب ع الطنبور
- فى الشارع عروسة وفى البيت جاموسة
- قال جاتك داهية يا مرة قالت على راسك يا راجل
- القرد في عين امه غزال
- قصقصى طيرك ليلوف لغيرك
- قعاد الخزانة ولا جوازة الندامة
- قيدها بقيد حديد وجوزها فى بيت السعيد
- كل فولة مسوسة ولها كيال اعور
- الكى بالنار ولا حماتى بالدار
- كيد النسا غلب كيد الرجال
- لا اتجوزت ولا خلى بالى ولا انا فضلت على حالى
- لا تامن للمرة اذا صلت ولا للخيل اذا طلت ولا للشمس اذا ولت
- لا حصيرة ولا مخدة وكمان مش لدة
- لبس البوصة تبقى عروسة
- لبس الخنفسة تبقى ست النسا
- لقمة الراجل مقمرة ماتاكلها الا المشمرة
- لما قالوا دا ولد اتشد ظهر امه واتسند
- لما قالولى ده غلام 00 انشد ضهرى واستقام ، ولما قالوا دى بنية انطبقت الدار عليا
- لولا النقر والنشارة كانت النسوان اتعلمت النجارة
- اللى بعرقوبها تدبح الطير 00 اهرب منها 00 مافيها خير
- اللى بلا ام حاله يغم
- اللى تحبل بالليل تولد بالنهار
- اللى تحبل في الفرن تولد في الجرن
- اللى تخرج من دارها يتقل مقدارها
- اللى تغوى الشاب الجميل لها تدفع كتابة الورقة من عندها
- اللى جوزها معها تدور الدنيا بصباعها
- اللى كتب كتابى يحله واللى يعرف ابويا يروح يقوله
- اللى ما تحنى كعبها مايفرح قلبها
- اللى ما تعرفش ترقص تقول الارض عوجة
- اللى مراته مفرفشة يرجع البيت م العشا
- اللى يختشى من بنت عمه ما يجبش منها عيال
- اللى يسعدها زمانها تجيب بناتها قبل صبيانها
- اللى يقول لمراته يا عورة تلعب بها الناس الكورة
- اللى يقول لمراته يا هانم الناس تقابلها ع السلالم
- ما زاد عليكى يا مرة الا المجرجر من ورا
- مايعجبكش طولها الزين 00 ولا لفتها في الملاية 00 مناخيرها قد الدوايا خلت فطورى عشايا
- مراتك ماتزورهاش فى البلد اللى ماتعرفهاش لا تشوف ابو طربوش تقول اكننا ماتجوزناش
- المرة الطهاية تكفى الفرح بوزة
- مركب الضراير سارت ومركب السلايف حارت
- من خيبته اتجوز قد بنته
- من كتر خطابها احتارت مسى عليها الليل وبارت
- من همه اتجوز قد امه
- من يومك يا خالة وانتى على دى الحالة
- موت البنات سترة
- نار جوزى ولا جنة ابويا
- النسا مقصل اعوج قال لولاه اعوج ماكانش يضم
- يا مامنة للرجال يا مامنة للمية فى الغربال
- يا مخلفة البنات يا دايخة للممات
- يا واخد البيض00 يا مقضى الزمان فرحان 00 ضيعت مالك على جوهر وعود وريحان
- يا واخد السود 00 يا مقضى الزمان حزين 00 ضيعت مالك في خنفس وجالوت طين
- يا وحشة كونى نغشة
- يارتنى بيضا وليا عرقوب والله البياض عند الرجال محبوب
- ياريتنى بيضة ولى ضب والله البياض عند الرجال يتحب
- يغلبك بالمال وتغلبيه بالعيال
